Home / Commentary / DESABAFO: O que se leva desta vida é apenas a vida que se leva

DESABAFO: O que se leva desta vida é apenas a vida que se leva

 Paulinha BarbosaQueridos, podi bem parci nhos um pouco morbido es desabafo des nhos berdiana mas nta conta ku nhos compreensao. Nos sociedade ki tanto ganho e avanço tem tido a tudo nivel, em contrapartida, nu tem estado ta perde tcheu na kuzas ki realmente ta importa ki é RESPEITO, AMOR AO PROXIMO, AMIZADE, TOLERANCIA, HUMILDADE, SOLIDARIEDADE, DELICADEZA, GENTILEZA…

Ao longo des ultimos anos, nten estado cada dia mas decepcionada ku manera ki nos criolos (principalmente na merca) nu ten encarado morte e interro. Pa nha grande tristreza nten constactado ma hoje em dia interro tene mas importancia ki morto. Undi ki tipo e preço de caixão é preocupação principal, undi ki quanto mas pomposo e custoso funeral é, mas satisfeito pessoas ta fica. Undi ki mesas ten ki sta permanentemente recheado pamo “banquete” ten ki ser completo pa guentes ka bem papia dipos ma “kuza estaba fraco”!! Bebidas ten ki ten sempre en grande quantidade, de tudo tipo e tudo qualidade, “red label, black label, green label, gold label, blue label”, label, label, label … kela ki importa nton!!?!??!??!? Familiares ta cria situaçons desnecessarios, dividas ki podia ser poupado si es ka staba tao preocupado em mostra outros ma es podi mas. 
Nha guenti, undi ki nos valores bai para?? Nos dor, lamento e sofrimento gossi nton pa ser mensurado ten ki ser na mostra na ki caixão nu interra nos entes queridos? na quanta fartura nu proporciona nos visitas? na quantos caixas e caixas de bebidas nu tinha pa ofereces? na modi ki cada un bai elegantemente bistido, penteado e calçado? Nao, nao, nao!! Ka sta bonito nao.Nos riqueza, orgulho e vaidade tudo ta caba hora ki nu bai para tudo baxu tchon, ki é fim de NOS TUDO, independentemente de nos condiçon!! Portanto nu para ku tenta ser mas ki kel ki nu é, nu para ku tenta mostra ma nu tem mas ki kel ki nu ten! Nu começa ta da verdadeiro valor a kuzas ki realmente ten valor!!Nta pidi nhas pais, si for o caso din parte des mundo antes des (ja ki ordem e lei de vida ka sta na nos controlo) e demais familiares ma dia ki nha hora de bai tchiga, pa nhos interran undi ki for menos custoso e doloroso pa nhos, ncre un caixao o mais simples possivel, di tabopan ta sirbi ja ki é so pa transporta nha corpo. Na hora di recebi visitas, por favor nhos resumi a apenas café, cha, agua e no maximo um sopa quente pa conforta estomago. E nada de luto pamo é ka cor de roupa ki sta bem mostra nhos sentimento e lamento pa nha desaparecimento fisico mas sim kel ki cada um de nhos verdadeiramente ta xinti ku nha partida.

Um abraço pertado na coraçon de cada un di nhos e ki Deus danu tudo muita saude pa nu vive inda pa longos e longos anos assi pa nu odja es nos sociedade ta amaduceri cada dia mas, retomando ses valores e ki nos fidjus e netos tem um mundo inda bem midjor ki es ki nu sta nel. 

”O que se leva desta vida é apenas a vida que se leva”

Por Paulinha Barbosa via Facebook

Facebook Comments
Print Friendly, PDF & Email
Download PDF
Google+
%d bloggers like this: